View Hymn (Bhajan)

Hymn No. 2057 | Date: 26-Mar-19971997-03-261997-03-26વર્ષોં પહેલાંની તો વાત ક્યાં કરવી, કાલ કરેલા ઉપકાર આજ ભૂલી જાય છેSant Sri Apla Mahttps://mydivinelove.org/bhajan/default.aspx?title=varshom-pahelanni-to-vata-kyam-karavi-kala-karela-upakara-aja-bhuli-jayaવર્ષોં પહેલાંની તો વાત ક્યાં કરવી, કાલ કરેલા ઉપકાર આજ ભૂલી જાય છે

એવા લોકોની વસ્તી તો આ શહેરમાં, વધતી ને વધતી જાય છે

માયાની જાળમાં ફસાયા છે એવા કે, ફસાયા છે એ ક્યાં એ ભૂલી જાય છે

માનવતા તો ક્યારની મરી પરવારી ગઈ છે, માનવનાં ખાલી રૂપ દેખાય છે

મનુષ્યની સરખામણી થાય છે જાનવર સાથે, એનું દુઃખ ના કોઈને થાય છે

મતલબના દલદલમાં પડ્યા છે એવા, આત્મીયતાને ભૂલી જાય છે

સંતાનો જ જન્મદાતાના કાતિલ બનતા જાય છે, એવા લોકોની વસ્તી, આ શહેરમાં ...

કોને સમજાવવું ને શું સમજાવવું, જ્યાં હરકોઈ એકબીજાને સમજાવવા તૈયાર છે

અભિમાનના નશામાં ચકચૂર ને પ્રેમ ને નમ્રતાને, તિલાંજલિ આપતા જાય છે

આ ઝેર ધીરેધીરે ફેલાતું ને ફેલાતું જાય છે, આ શહેરમાં …
વર્ષોં પહેલાંની તો વાત ક્યાં કરવી, કાલ કરેલા ઉપકાર આજ ભૂલી જાય છે