View Hymn (Bhajan)

Hymn No. 2048 | Date: 14-Mar-19971997-03-141997-03-14ફૂલની જેમ મુખેથી વરસ્યા જ્યાં શબ્દો, તો એ મિલનનું કારણ બની ગયાSant Sri Apla Mahttps://mydivinelove.org/bhajan/default.aspx?title=phulani-jema-mukhethi-varasya-jyam-shabdo-to-e-milananum-karana-bani-gayaફૂલની જેમ મુખેથી વરસ્યા જ્યાં શબ્દો, તો એ મિલનનું કારણ બની ગયા

બાણની જેમ છૂટ્યા જ્યાં મુખેથી શબ્દો, તો એ જુદાઈનું કારણ બની ગયા

શબ્દેશબ્દમાં છે કેટલી શક્તિ, એનું પ્રમાણ ખુદ શબ્દ જ આપણને આપતા રહ્યા

ઈર્ષાભર્યા હૈયામાંથી નીકળ્યા જ્યાં શબ્દો, તો એ ઈર્ષા વરસાવતા રહ્યા

ધધકતા લાવાની જેમ નીક્ળ્યા જ્યાં શબ્દો, તો એ વેરનું કારણ બની રે ગયા

અગ્નિ વરસાવતા અંગારાની જેમ નીકળ્યા મુખેથી શબ્દો, તો એ ક્રોધનું કારણ બની ગયા

શબ્દેશબ્દે શબ્દનું કામ શબ્દ કરતું રહ્યું, સહુ કોઈ એની જાળમાં ફસાતા ગયા

ક્યારે દર્દ જગાવી ગયા તો ક્યારે દર્દ મિટાવવાનું કારણ એ બની રે ગયા

સ્નેહીઓ અને વૈરીઓની લંગાર ઊભી કરવામાં, એ સદા કારણ બની ગયા

શબ્દના એ રણકારથી હૈયાની હાલતના ખ્યાલ અપાવતા ગયા
ફૂલની જેમ મુખેથી વરસ્યા જ્યાં શબ્દો, તો એ મિલનનું કારણ બની ગયા